رواية المعلم وزوجته ومراته كاملة جميع الفصول

زيدان : دورى يا دهبيه وهحكيلك من الاول 

Flash back

زينب: ازيك يا معلم

زيدان. كان بيشبه عليها : اهلا حضرتك مين

زينب : انا زينب بـ.ـنت هياتم مرات ابو دهبيه

زيدان اهلا خير يا انسه زينب في حاجه محتاجين اعملها

زينب : الخير كتير يا معلم نحمد ربنا انا بسالك على دهبيه هي عامله ايه اصالها وحشاني

زيدان: المعلمه ذهبيه مش بتنزل غير كل اخر اسبوع وده مش محلها

زينب : طب هي عامله ايه طمني عليها هي كويسه

زيدان: لو مش معاكي رقمها ممكن اديك رقمها كلميها

زينب: لا هي عامله لي حظر اصلها مش بتكلمني

زيدان: ليه كده دي دهبيه ما فيش اطلب من قلبها

زينب : هي بس شايله اكمن ابويا حب امي واتجوزها يعني وكده 

زيدان: اه طيب هي عموما كويسه وهبلغها سلامك

End flash back

ودي كانت البدايه ومن ساعتها بقت تيجي الايام اللي انا فيها انا ما كنتش واخد بالي منها خالص زينب مش حلوه مش تلفت النظر يعني وانا ما ليش في كهن الستات وخصوصا ان انا مش بتعامل مع ستات كثير ومعنديش خبره فيهم وانتى يا دهبيه ما عندكيش كهن الحريم انت واضحه وصريحه

شويه بشويه طلبت مني رقم تليفوني ولما سالتها ليه قالت لي عشان تتصل عليا وانا في البيت واخليها تكلمك وانا ادخل واصلح بينكم وبعدين رجعت قالتلي اصل خافت انك تجـ.ـر.حيها عشان كده ما اتصلتش

لحد ما في مره لقيتها بتكلمني وتعيط من واحد بيضايقها رحت واتدخلت والموضوع و خلص وامها اصرت عليا اني ادخل واشرب شاي ودخلت فعلا وشربت الشاي

Flash back

هياتم بتمثيل الطيبه: ازيك يا معلم يا ابني عامل ايه

زيدان: بخير الحمدلله

هياتم: ودهبيه عامله ايه دى وحشاني اوى

زيدان: بخير الحمدلله كلنا بخير

هياتم: صحيح يا معلم زيدان ربنا يعوض عليك بدعلكم ربنا يرزقكم بالزريه الصالحه وبالواد اللى يشيل اسمك  

ياريت يكون المانع خير

زيدان: بخـ.ـنـ.ـقه من كلامها . كله باوانه وانت مش مستعجل

هياتم: ربنا يديك الصحه يا معلم انا الناس لما بسمعها بتتكلم انكم ما خلفتوش ربنا يعلم بدافع ازاي خصوصا اني عارفه ان العيب من ذهبيه بس للاسف الناس مش عارفه العيب عند مين وبيقولوا لو العيب كان من ذهبيه كان زمان المعلم متجوز واحده ثانيه وجايبله الولد اللي من صلبه خصوصا ان مقتدر ويقدر يفتح بدل البيت 10

زيدان : كلام الناس على جزمتي ودهبيه ست الستات كلها وما ليش انا فى رغى الحريم ده عن اذنك

هياتم: زعلت من كلامي والله ما اقصد ابدا على فكره انا ام واللي ما رضاهوش على بـ.ـنتي ما رضاهوش على حد انا بكلمك بعشم وزي ما نفسي افرح ببـ.ـنتي واشوف عيالها نفسي برده افرح بدهبيه واشوف عيالها

زيدان. ونهيت معاها الكلام على كده وسبتها وخرجت

End flash back

مشيت من عندها وفكره ان يكون ليا طفل من صلبي بقت شغله دmاغي انا مش عايزه اتجوز عشان الحريم ولا عشان انا واحد مزواج او واحد بيحب واحده وراح يتجوزها انا كنت عايز عيل والشيطان فضل انه يوزنى انى  اتجوز زينب واخدلهاا شقه عند امها واجيلها من وقت للتاني واهو تجيب لي العيل اللي يشيل اسمي وخلاص . واستغفرت ربنا ونهيت الفكره من دmاغي بعد كده

بس رحت لشيخ جامع واتكلمت معاه وقلت له اني نفسي فى عيل واني بحب مراتي وان سعيد معاها بس هي صعب تخلف والشيخ قال لي ان لو الزوجه مريـ.ـضه او ما بتخلفش وقال حاجات ثانيه قالى اني من حقي ساعتها انة اتجوز و ساعتها ورجعت تاني الفكره في دmاغي اني اتجوز زينب تاني واخلف منها العيل انا في الوقت ده الفكر مسيطره عليا كانت فكره العيل

فقلت لنفسي ايه المانع انا عايزه عيل من صلبي يورثني لان لنا ولا انتى عندنا حد يورثنا وثاني يوم شفت العيال اللي كان عندهم سنه وسنتين وقت ما اتجوزنا كبروا وبقوا  بيشتغلوا في المحلات وبقوا ورجـ.ـاله وعمال عندي فمن غير تفكير رحت لهياتم وطلبت ايد زينب وبعد ما قريت فاتحه حسيت بخـ.ـنـ.ـقه كبيره حسيت اني مش عايزه اكمل بس في نفس الوقت في حاجه مشياني غـ.ـصـ.ـب عني ان اتمم الموضوع وفي نفس الوقت بقيت مدي كلمه ما بقيتش عارف اتصرف لحد يوم كتب الكتاب وانا حاسس اني بتصرف زي المغيبين كنت حاسس ان ظالم خصوصا اني ما كنتش اعرف وقتها اي حاجه مين اللي انت حكيتيها دي وقتها الفجر زينب اتصلت بيا كانت عايزه تعرف هعرفك امتى وكانت زعلانه اني سبتها ومشيت لقيتني غـ.ـصـ.ـب عني واقول كلام انا مش عايزه اقوله وسالتني بحبها ولا لا لقيتني بقول لها اني بحبها واني ما بعملش حاجه غـ.ـصـ.ـب عني لانها كانت صعبانه عليا برده هي عروسه وسيبها بعد ساعه او اقل من ساعه كمان بعد كتب كتابها وسالتني عنك اذا كنت بحبك ولا لا قلت لها كده باللفظ

(انا مش جبان عشان اتخلى عنها وما انفذش وصيه المرحوم ابوها الله يرحمه بعد اللي عمله معايا انا ما بقتش احبها زي الاول بس بينا عشره وما اقدرش اسيبها لوحدها خصوصا انها لا عيل ولا تيل عشان كده ما بقيتش احبها زي الاول لان انا زيها ما ليش حد ولا عيل ولا تيل انا بقيت بعشقها بقينا شخص واحد بنعوض بعض عن وحدتنا فلو قلت اني بحبها فانا بظلمها وابقى كذاب عشان انا بتنفسها ذهبيه عندي خط احمر ومش ناوي اقول لها حاجه دلوقتي تجـ.ـر.حها او تضايقها لان مش بعمل حساب لاي حد في حياتي غير ليها 

دهبيه : طيب ولما كنتوا هتسافروا 

زيدان: عشان احساسي بالذنب ناحيتها يا دهبيه 

ويوم ما عرفت انك حامل رحت ااجل معاها السفر غـ.ـصـ.ـب عني من فرحتي وقعت بلساني وقلت لها انك حامل ولما قالت لي انك ممكن تكوني عارفه ومش حامل بقيت عامل زي المـ.ـجـ.ـنو.ن لاني بدعي في كل ركعه ان ربنا يرزقني بالذريه الصالحه منك انت يا دهبيه وخفت اكون كنت فى وهم جريت عليكى عشان تطمنيني وخصوصا انى كنت شاكك انك عارفه بسبب نظراتك اللي مش قادره افسرها كنت عايزك تطمنيني وتقولي لي مره واثنين وثلاثه انك حامل كنت عايز اسمعها انا حامل انا حامل

دهبيه : ولما جبتهم لي وجيت يوم العزومه

زيدان: لقيتهم جايين للمحل في حجه انهم يستاذنوني انهم يجولك لو انتى مكاني كنتى هتعملي ايه

دهبيه : والمطعم 

زيدان: كنت واخد زينب ورايح عشان اعمل التحاليل اللي بيتقدm الماذون وصاحب المطعم كلمني وقال لي ما اصرفش الشيك لانه من غير رصيد وقال لي يا اما هو يعدي عليا ويديني الفلوس او انا اعدي عليه وانا كنت قريب من المطعم فعديت عليه ساعتها وللاسف زينب كانت معايا وشافت المطعم وشبطت انها تاكل فيه وانا اتحركت قدام الراجـ.ـل اني ارفض ولما الاكل والمكان عجبوني تخيلتك انت بتاكلي معايا فصممت بينى و بين نفسي اني لازم اجيبك ونتغدى فيه

دهبيه : طيب عرفت منين موضوع الاطفال

زيدان: يوم ما خرجتي تجري من المستشفى وانا خارج وراكي الامن ناداني عشان اقفل الحساب وانا داخل سمعت الممرضه وهي بتحكي لزميلتها وان انا صعبان عليهم ومافور قوي فى خـ.ـو.في عليكى لان انت كان ضغطك عالي وبس ومستغربين من اهتمام دكتوره ايه ودكتور مؤمن بيكي وان صحتك كويسه والاطفال كويسين فسهل اخمن انا  الباقي بقى 

وسبتك بعد كده تعملي اللي انتى عايزاه سبتك عشان تفشي غليلك فيهم 

عرفتي بقى يا دهبيه انتى بالنسبالي ايه 

انا بحس ان وانتى  واحد وما فيش حد ما بيحبش نفسه او حبه لنفسه بيقل او يزيد ما ينفعش حد يجي يسال حد يقول له انت بتحب نفسك فانا فعلا ما بقتش احبك زي الاول يعني بقيت بعشقك بتنفسك يا دهبيه يا دهبيه انا كنت بحبك من لما كنتى بتيجى مع ابوكى بقميص رجـ.ـالى وبنكلون وتلبسى الكاب ورغم انشغالى فى محلاتى وان مكنش ينفع اسيبها فى الوقت ده لانى مكنتش مامن حد الا انى كنت بسيبها واجى عشان اقف معاكى واكلمك كنتى حلم بعيد يا دهبيه ازاى افرط فيه بعد ما بقى فى ايدي

         عند هياتم وبـ.ـنتها 

هياتم : الو 

: ايه يا ام زينب خير 

هياتم : تعرف انك فاشل وكـ.ـد.اب 

الدجال : ليه الغلط  ده السوق كله ما بقاش يتكلم غير ان المعلم زيدان اتجوز بـ.ـنتك يا هياتم 

هياتم : بس لسه بيحب مقصوفه الرقبه

الدجال : انا عملت لك طلبك يا هياتم انت قلتي عايزه المعلم يتجوز بـ.ـنتي نفذتها لك لكن ما قلتيش انك عايزاه يكره ذهبيه ويطـ.ـلقها دي حاجه وده حاجه وده عمل وده عمل تانى 

هياتم : انت هتستعـ.ـبـ.ـط عليا يا راجـ.ـل

الدجال : لمي لسانك يا هياتم انا بنفذ على قد الطلب وعلى قد الفلوس طلبتي يقرب من زينب ويتجوزها واهو قرب واتجوزها واديتك العمل وانتى حطيتهوله في الشاي وشربتهوله عايزاه يكره دهبيه و يطـ.ـلقها يبقى تدفعي بقى

هياتم : وعايز كام بقى ان شاء الله

الدجال: اد اللى دفعتيه 

هياتم : انت بتقول ايه

الدجال : اللى سمعتيه 

هياتم : بس انا مش معايا المبلغ ده

الدجال: خدي من بـ.ـنتك

هياتم: انت ما تعرفش حاجه عشان هي مصحوبه من لسانها ممكن تقع في الكلام لانها ما بتتحكمش في غضبها انا قلت لها هدور على حد بتاع اعمال وهجيبهلها واحده واحده بس قبل ما اعرفها لازم الاول اخليها تمسك لسانها

الدجال : انا ما ليش دعوه بالكلام ده شوفي انت وبـ.ـنتك هتعملوا ايه وكلميني اما تجهزي الفلوس انما كل ده ما يخصنيش سلام

هياتم : يابن ال ......

زينب : في ياما مالك 

هياتم: ما انا لو اضمن ان لسانك يفضل جوه بقك هقولك

زينب : قولي ياما ما تخافيش

هياتم : بصي انا قبل جوازك من زيدان رحت لدجال عشان يعمل لك عمل تتجوزي بيه زيدان ودلوقتي عشان اخلي زيدان يسيب دهبيه ويطـ.ـلقها عايز 30 الف جنيه 

زينب : بس ده مبلغ كبير قوي ياما هنجيبه منين

هياتم : انت معاكي كام

زينب : معايا 15000 كان المعلم سايبهملي عشان اجيب لبس وحاجات عرايس وكده

هياتم : طيب هاتيهم وانا هبيع حتتين صيغه من اللي عندي واروح له

زينب: انت ضمنه الراجـ.ـل ده ياما

هياتم: مهوجوزك زيدان اهو وبقيتي على اسمه ولما يطـ.ـلق دهبيه ويبقى بتاعك لوحدك ساعتها نعرف ناخدهم منه ازاي لكن طول ما دهبيه وقفلنا بالمرصاد كده مش هنعرف نعمل حاجه

زينب : عندك حق يا اما استنى اما اقوم اجبلك الفلوس

          عن زيدان ودهبيه

زيدان: ها يا دهبيه لسه زعلانه 

دهبيه : مش عارفه اسامحك ومش عارفه اتقبل وجود زينب يمكن هديت شويه لكن ما سمحتش

زيدان: طيب انتى بتحبينى يا دهبيه

دهبيه : ليه 

زيدان: عشان اطمن

دهبيه : وهتفرق معاك

زيدان: هتفرق كتير معايا وخصوصا في حاجه ناوى انفذها 

دهبيه : طيب انت رجعت زينب وامها ليه 

زيدان: ....