رواية ميثاق بالمعروف هي رواية رومانسية تقع احداثها بين ادم ورنيم والرواية من تأليف نشوه عادل في عالم مليء بالتناقضات والأسرار تتشابك مصائر شخصيات رواية ميثاق بالمعروف لتجد نفسها في مواجهة قرارات صعبة تُغير مجرى حياتهم إلى الأبد ان رواية ميثاق بالمعروف هي قصة عن الحب الذي يتحدى الزمن والمصير الذي يفرض نفسه والأرواح التي تسعى خلف الحرية والسعادة بين الأمل واليأس وبين القوة والضعف ينسج رواية ميثاق بالمعروف تفاصيل حياتهم في معركة غير متكافئة مع القدر لتكشف كل صفحة عن لغز جديد يقود القارئ نحو نهاية غير متوقعة
رواية ميثاق بالمعروف من الفصل الاول للاخير بقلم نشوه عادل
-كنت راجع من الشغل كالعادة مرهق ولما وصلت عند الباب سمعت صوت رنيم شهاقاتها عالية قلبى وجعنى فتحت بسرعة لقيتها قاعدة بالارض وبتعيط جامد
ادم بخوف: مالك يا قلبى فى ايه ؟!
اول ما رنيم شافته اترمت بحضنه وفضلت تبكى بعدها عنه وسألها: فيه حد عمل فيكى حاجة؟! امى او حد من اخواتى؟!
رنيم بصوت متقطع: لا والله ابدا انا مش عاوزة اتكلم دلوقتى ارجوك خدنى بحضنك بس
بالفعل اخدها بحضنه وفضلت مدة بسيطة لحد ما استكانت ونامت نزل بعدها لوالدته اللى لاحظت خوفه وتوتره فسألت : مالك يا حبيبى وشك مخطوف كده ليه؟!
ادم بقلق: مش عارف يا امى كنت راجع من الشغل لقيت رنيم بتعيط بشكل هستيرى ومعرفش مالها ومردتش تحكيلى
نبيلة: طيب اهدى اكيد ممكن حاجة حصلت عندهم ولا حاجة طب هى فين؟!
ادم: نايمة
نبيلة: خلاص سيبها لحد ما تصحى براحتها واتكلم معاها بهدوء اكيد مش هتخبى عنك المهم انت اتغديت؟!
ادم: غدا ايه بس مش لما اطمن عليها وبعدين شكلها مطبختش هطلب دليفرى وخلاص
نبيلة: لا ليه دليفرى انا اصلا عملت صينية رقاق وكفتة من اللى هى بتحبها وكنت هطلعها لما اخلص خدهم بقى معاك ولما تخلص نزلهم واخواتك هيغسلوهم ولو عندكم اطباق ابعتلك واحدة من اخواتك تغسلهم طالما تعبانة
باس ادم ايد والدته وقال: ربنا يباركلى بعمرك يا امى ويعطيكى الصحة
نبيلة: ويهدى سركم يا ابن بطنى ويرزقكم بالذرية الصالحة
اخد ادم الاكل وطلع ع فوق لاحظ ان الشقة مكركبة فنضفها وشال الغسيل نشره ودخل ع المطبخ يغسل الاطباق فاقت رنيم ع صوت خبطه ولاحظت ان الشقة نضيفة ودخلت ع المطبخ لقيته واقف ع الحوض بلبس الشغل والارهاق باين عليه واول ما شافها ابتسم
ادم: اتمنى ان خدمتنا تعجبكم يا فندم وناخد تقييم خمس نجوم
رنيم : ايه اللى خلاك تتعب نفسك بس يا ادم مش كفاية تعب الشغل عليك
ادم سحبها لحضنه: تعبك راحة يا تاج قلبى
رنيم بضحكة : تاج قلبى ! هى مش تاج راسى باين؟!
ادم: تاج راسى وقلبى وملكتى ومملكتى ووطنى الدافى بصى بقى انا واقع من الجوع جدا ممكن نتغدى
رنيم: بس انا مطبختش
ادم: امى بعتت لينا الغدا وحاجة انتى بتحبيها اوى يالا خدى الاطباق حطيها ع اما اخد شاور واغير هدومى
بالفعل رنيم سخنت الاكل وجهزته ع السفرة وجه ادم قعد وبدأ يأكلها وبعد الغدا اخدها وقعدها ع رجله واتكلم بصوت خشن شويه ع اساس انه والدها لانه كان معودها من وفاة ابوها انه يحل محله فلما كانت تضايق يقعدها ع رجله ويلبس نضارة ويسألها زعلانه ليه ؟!
نظرت له رنيم بحب وبلمعة دمعة وقالت: انت بتحبنى اد ايه يا ادم؟!
ادم : تؤ لو سمحتى انا مش ادم دلوقتى انا الاستاذ يوسف فاعترفى
رنيم: طب قولى يا بابا ادم بيحبنى اد ايه؟!
ادم : امممممممممممم ادم بيحبك اد ايه ؟! اد كل لحظة شوق واحتياج اخدك فيها فى حضنه عشان يحس بالامان واد كل لحظة صعبة عدت عليه عشان يجمعك بيه ربنا فى الحلال واد الظروف اللى عديتوا بيها فى جوازكم من اول ما شقتكم اتحرقت لحد تعبه اللى قعده ٦ شهور بالسرير من غير شغل واد كل مرة قالك فيها انا سندك وضهرك وراجلك واد كل مرة كنتى تضايقيه فيمشى من غير ما يمد ايده عليكى ويقولك انتى تاج راسى يا وصية رسول الله بس يا سيتى
دمعت رنيم: انا فعلا تعبته اوى يا بابا ومعترفة بده بس تفتكر هو ممكن يعرف حد من بعدى
ادم: من بعدك ؟! هو معرفش قبلك ولا بقى عاوز حد تانى بعدك هو اكتفى بيكى عن الدنيا بناسها
كانت رنيم بتبصله شالت النضارة من ع عيونه ولمست وشه بايدها قربت منه وابتدت تشم ريحته وحضنته بتملك
ادم باستغراب منها: رنيم من فضلك متلعبيش ع اوتار اعصابى اكتر من كده وفهمينى فى ايه؟!
رنيم كانت مترددة تقوله ازاى وخوفها من انه يبعد عنها كان قاتلها استجمعت قوتها وقالت: انتى عارف انى تعبانة صح؟!
ادم : ياربى شوية تعب قولون يخلوكى كده ده نص الشعب المصرى مريض قولون يا قلبى وانا منهم😂
رنيم: انا مش بس مريضة قولون يا ادم انا مريضة كانسر وووووووو...............
↚
-بس انا مش مريضة قولون يا ادم انا مريضة كانسر اظن انت لاحظت الدم اللى كنت بنزفه وطلبت منى انى اكشف وفعلا روحت وعملت تحاليل والدكتور قالى انه كانسر كنت مفكراه غلطان وروحت حللت فى تلات اماكن والنتيجة واحدة
كان ادم بيسمع وهو مش مصدق ولا مستوعب معقول ممكن فى يوم يخسر حبيبته وميلاقيهاش ابتسم وشدد ع حضنها وهو بيقول: طب وايه يعنى مش اول ولا اخر اختبار لينا يا قلبى هنعدى الصعب مع بعض
رنيم بعياط: هاخد كيماوى شعرى هيقع مع الوقت وجسمى هيضعف ومش هبقى حلوة وهتتجوز غي........
ادم مقاطعا وهو يقبلها بحب وبرقة: مفيش واحدة فى الكون ممكن تملى عيونى غيرك حتى لما تبقى عجوزة كركوبة هتفضلى بنظرى احلى واجمل ست انا اكتفيت بيكى يا رنيم وما صدقت انك بقيتى معايا
رنيم: توعدنى ؟!
ادم: اوعدك يا عيونى
عدى الوقت ونامت رنيم شالها ادم حطها ع السرير ونزل عند والدته كانت قايمة تصلى الفجر لقيته بيفتح ودخل
نبيلة بقلق: ايه يا ادم سايب مراتك ليه يا ابنى ونازل فى وقت زى ده
لاحظ ادم ان نور غرفة اخواته البنات مفتوح وعرف انهم صاحيين مسك ايدها: تعالى ندخل اوضتك يا امى .... بالفعل دخل واول ما دخل اترمى فى حضن امه وابتدى يعيط بهيستريا وكانت اول مرة والدته تشوف دموعه من يوم وفاة ابوه
نبيلة بخوف: بسم الله الرحمن الرحيم مالك يا قلب امك فى ايه يا حبيبى
ادم: تعبان ومكسور اوى يا امى الدنيا مصممة تلاعبنى وتخسرنى اللى بحبهم انا مش هستحمل اعيش من غير رنيم دى الروح اللى فى جسمى
نبيلة: مالها رنيم يا ابنى انا مش فاهمة حاجة ؟!
ادم : رنيم طلعت مريضة سرطان يا امى
نبيلة بخضة ودموع: يا قلب امك يا ضنايا البت دى لو معمول لها عمل مش هيصيبها كده الاول قولون قرحى ودلوقتى سرطان
ادم: مش عارف اعمل ايه حاسس انى ضعيف اوى كنت بحاول اطمنها بقولها كلام مش عارف بقنعها ولا بقنع نفسى بيه اعمل ايه بس والنبى قوليلى🥹
نبيلة بدموع: اهدى يا حبيبى انت الراجل انت سندها وقوتها لازم متبقاش كده وبعدين انت لسه معرفتش مدى خطورته مش جايز الموضوع بسيط وان شاء الله تتعالج وتبقى زى الفل وبكرة هحجزلك عند اكبر دكتور تاخدها وتروحله وواثقة ان ربنا مش هيرجعكم مكسورين الخاطر
ادم: يارب يا امى
نبيلة: قوم يا حبيبى الفجر اذن اتوضى وانزل صلى فى الجامع وادعى ربك ده فجر الجمعة يمكن تكون ساعة اجابة وطول الوقت استغفر وحوقل وصلى ع سيدنا النبى محمد بنية شفاء مراتك وشوف قدرة ربك بعينك لما يتم شفاها ع خير
بالفعل قام ادم وصلى حاضر ورجع لقاها نايمة اخدها فى حضنه بتملك ونام ..... وفى العصر حضرت رنيم التحاليل وجهزت عشان تروح للدكتور مع ادم ودخلوا وكشف الدكتور ع رنيم واطلع ع التحاليل
الدكتور محمد: الحمدلله المدام لسه فى البدايات وكويس جدا انها اكتشفت الموضوع ده بدرى وبكده اطمنك انها هتاخد كام جرعة كيماوى خفيفة وبعدها نعمل زرع نخاع وهتبفى زى الفل ان شاء الله
ادم بفرحة: بجد يا دكتور طب طب مينفعش عملية زرع النخاع ع طول؟!
الدكتور: لا لازم الاول ٤ جلسات قبلها ومتقلقش مش هتأثر عليها اوى خلى عندك ايمان وثقة بالله وع فكرة زرع النخاع ده مش عملية ولا حاجة ده نخاع بالدم بناخده من حد مطابق لفصيلة دمها وبننقله ليها عادى فاطمن الموضوع بسيط
اخد ادم رنيم وقرر انهم يقضوا اليوم برة وكلم والدته وطمنها اللى قامت صلت ركعتين شكر لله ...بعد اليوم ما خلص كانت رنيم وادم راجعين ع شقتهم وفيه ست بياعة خضار ع باب الشارع
السيدة وتدعى ام زينب: ربنا يعوضك خير يا ابنى ويقعدلك الخير اللى بتعمله
ادم : اللهم امين يا امى عن اذنك
جملة عادية جدا من ست بياعة لكن رنيم حست بخوف جواها معقول تكون تقصد ان ربنا يعوض ادم بواحدة تانية احسن منى وتحل محلى من بعدى!
بعد شهرين عملت رنيم زرع النخاع والعملية نجحت وادم نزل راح الجامع يصلى فى الوقت ده دخل شخص ع رنيم
-حمدالله ع سلامتك يا بنتى
رنيم باندهاش: ام زينب ! ووووووووووو..........
↚
-ام زينب ! انتى عارفة انى كنت هعمل عملية وجيتى تزورينى كتر الف خيرك بجد
ام زينب: العفو يا بنتى كان لازم اجى واقولك حمدالله ع سلامتك وكمان فيه سر محدش يعرفه غير ربنا وانا واستاذ ادم
رنيم بعدم فهم: سر ايه ده؟!
ام زينب: اليوم اللى جالك فيه القولون القرحى كان استاذ ادم معدى عليا ع الفرشة وكنت بعيط بصوت عالى وبقول يارب
F.B
ادم: مالك يا ام زينب بتعيطى ليه انتى تعبانة اوديكى للدكتور؟!
ام زينب: لا يا ابنى الحمدلله فى نعمه من الله
ادم باستغراب: اومال مالك طيب فى ايه ممكن تعتبرينى زى ابنك وتفضفضى عليا
ام زينب: بنتى زينب عندها ٢٨ سنة دلوقتى اتخرجت من الكلية وبقت تشتغل فى اى حاجة تقابلها عشان تساعدنى فى مصاريف اخواتها اتقدملها عرسان يا اما وكانت بترفضهم عشانا والمرة دى متقدملها عريس كويس اوى وانا متفائلة بيه خير وحاسة انه هيكون عوضها بعد الصبر ده كله
ادم بابتسامة: طب ده حلو اوى فين المشكلة بقى!
ام زينب بانكسار: العريس مستعجل عشان عاوز يسافر ع طول لانه نازل مدة صغيرة وياخد مراته ويرجع ع الخليج وللاسف انا بنتى مفيش لسه فى جهازها معلقة نفسى استرها واجيبلها الحلو كله عشان نفسها متكونش مكسورة قصاده وميجيش عليه يوم يذلها انه اشتراها
ادم بلطف مسك ايدها: الخالق مبينساش خلقه يا ست الكل ده بيرزق النملة فى جحرها سيبها ع الله والله هتفرج
زينب بارتياح انها اتكلمت: الله كريم ... لا مؤاخذة يا ابنى باين عليك تعبان ووشك حزين فى ايه؟!
ادم: ابدا بس رنيم مراتى تعبانة شويه وانا قلقان عليها ادعيلها بالله انه يقومهالى بالسلامة
Back
اكملت زينب : من بعد اليوم ده استاذ ادم كان بيساعدنى فى جهاز بنتى وكان بيلم فلوس من زمايله فى الشغل ومعارفه ويجى يعطينى الفلوس ويقولى ادعى لرنيم بالشفا وكنت ادعيلك وادعيله من قلبى لانه معملش معايا الا كل الخير
رنيم بدموع: يا حبيبى يا ادم
ام زينب: ربنا يا بنتى يديمكم ع وش بعض ويرزقكم الذرية الصالحة البارة يارب عن اذنك همشى انا واسيبك ترتاحى
مشيت زينب وسابت رنيم بتحمد ربنا ع نعمة الزوج الصالح وقتها دخل ادم حضنته جامد وشددت ع حضنه وقالتله: انا بموت فيك يا تاج راسى
ادم: وانا بعشقك يا وصية رسول الله
يعدى الوقت وتستعيد رنيم كامل صحتها وفى يوم رجع ادم من الشغل لاحظ ان الدنيا هادية فكر ان رنيم تحت عند والدته فتح النور واتفاجئ بالزينة والسفرة المرتبة وشاف رنيم لابسة ومستنياه بكامل انوثتها
ادم: انا اعرف ان القمر فى السما ايه جابه شقتى؟!
رنيم اقتربت منه وحضنته بحب: القمر واخد نوره منك يا نجمى
ادم بخبث: واضح ان امى اتوصت بيا فى الدعاء النهاردة
رنيم: طول عمرها اصلا عشان كده بقيت انا من نصيبك
ادم: عاوزة ايه؟!
رنيم: نفسى يبقى ليا حتة منك
ادم بخبث: عيونى
بعد فترة اكتشفت رنيم انها حامل فى تلاتة توأم ادم من صدمته للدكتورة: هو حضرتك متأكدة؟!
الدكتورة: ايوة طبعا بص كده حضرتك ع جهاز الصونار وانت تشوفهم
ادم ميل ع رنيم: هو انا اتشاقيت يومها اوى كده
رنيم بدموع: ٧ سنين جواز بدون طفل ربنا كرمه علينا واسع اوى يا ادم
ادم باس ايدها: ما هو ده عشان صبرنا وميإسناش ولا ايمانا ضعف ولا استسلمنا لظروف وكنا بنقول يارب
رنيم: يا بخت من كان ونيس رحلتها راجل يسندها وانا لقيتك يا ونيسى
النهاية ( جزاء الانسان دايما من جنس عمله هتقولى طب والاختبارات الصعبة والابتلاءات الكتيرة دى ليه هقواك لان ربنا خلق الدنيا دار الابتلاء فى قوله تعالى بسم الله الرحمن الرحيم " ولقد خلقنا الانسان فى كبد" مش هتيجى تلاقى كل حاجة ع الجاهز اومال هتدخل الجنة ازاى؟! التلميذ بيذاكر عشان ينجح وكذلك العبد بيجتهد فى دنياه عشان ينال النعيم فى اخراه وفى النهاية وما جزاء الاحسان الا الاحسان)